The news is by your side.

Advertisement

دوسروں کے میچز پرفوکس نہیں، توجہ اپنے میچ پر مرکوز ہے: سرفراز احمد

لندن: قومی ٹیم کے کپتان سرفراز احمد نے کہا ہے کہ دوسروں کے میچزپرفوکس نہیں کر رہے، تمام تر توجہ اپنے میچ پر مرکوز ہے.

ان خیالات کا اظہار انھوں‌ نے برطانیہ میں اے آر وائی نیوز سے خصوصی بات چیت کرتے ہوئے کیا.

قومی ٹیم کے کپتان کا کہنا تھا کہ ہماری کوشش ہوگی کہ بنگلا دیش کے خلاف میچ میں اچھا پرفارم کریں.

ایک سوال کے جواب میں انھوں نے کہا کہ بھارت کے خلاف انگلینڈ نے اچھی بولنگ کی، انگلینڈ اور بھارت کے میچ میں بظاہر کوئی گڑبڑ دکھائی نہیں دی.

خیال رہے کہ انگلینڈ اور بھارت کے میچ پر مختلف حلقوں کی جانب سے شدید اعتراضات اٹھائے جارہے ہیں.

مزید پڑھیں: ورلڈکپ 2019: پاکستان اپنا نواں میچ بنگلادیش کے خلاف 5 جولائی کو کھیلے گا

اپنے اگلے مقابلے سے متعلق قومی ٹیم کے کپتان سرفراز احمد کا کہنا تھا کہ بنگلادیش کوآسان نہیں لے رہے، ان کی بیٹنگ بہت مضبوط ہے.

خیال رہے کہ پاکستان ورلڈ کپ 2019 میں آخری میچ بنگلا دیش کے خلاف کھیلے گا. سیمی فائنل میں کوالیفائی کی امید کو برقرار رکھنے کے لیے پاکستان کو نہ صرف یہ میچ جیتا ہوگا، بلکہ اسے دیگر ٹیموں‌ کی کارکردگی پر انحصار کرنا ہوگا.

Comments

یہ بھی پڑھیں