پی ایس ایل کی پاکستان ویسٹ انڈیز سیریز بھی کامیاب ثابت ہوگا: سرفراز احمد Sarfraz Ahmed
The news is by your side.

Advertisement

پی ایس ایل کی طرح پاکستان ویسٹ انڈیز سیریز بھی کامیاب ثابت ہوگی: سرفراز احمد

کراچی : قومی کرکٹ ٹیم کے کپتان سرفرازاحمد کا کہنا ہے کہ پی ایس ایل کی طرح پاکستان ویسٹ انڈیز سیریز بھی کامیاب ثابت ہوگی، اپنے ملک میں کھیلنے کے لیے پرجوش ہوں۔

ان خیالات کا اظہار انھوں نے کراچی میں پریس کانفرنس کرتے ہوئے کیا۔ ان کا کہنا تھا کہ ویسٹ انڈیز کے خلاف ہم اپنی پلیئنگ الیون کا فیصلہ کل کریں گے۔

سرفراز احمد کا کہنا تھا کہ پاکستان کی بولنگ مضبوط ہے، ہوم کراؤڈ کا فائدہ اٹھا کر کل کا میچ جیتنےکی بھرپورکوشش کریں گے۔

انھوں نے کہا کہ پاکستان آنے والےغیرملکی مہمان کھلاڑیوں کے شکرگزارہیں، ویسٹ انڈیز کی ٹیم میں کرئیبین پریمیر لیگ کے بہترین کھلاڑی شامل ہیں، امید ہے، اچھا مقابلہ ہوگا۔

قومی ٹیم کے کپتان نے کہا کہ ہماری ٹیم میں کئی نئے کھلاڑی شامل ہیں، ورلڈ کپ سے پہلے قومی ٹیم کےاہم ٹورز ہیں، ورلڈکپ سے پہلے انگلینڈ اورآسٹریلیا میں سیریز کھیلنی ہے، نوجوان کھلاڑیوں کو ورلڈ کپ سے پہلے اعتماد دینے کی ضرورت ہے۔

ایک سوال کے جواب میں انھوں نے کہا کہ رومان رئیس اور عماد وسیم انجری سے ریکور نہیں کر پائے ہیں، امید ہے، وہ جلد کم بیک کریں گے۔ ہم ہوم کراوڈ کا فائدہ اٹھا کر مثبت کرکٹ کھیلیں گے اور سیریز جیتنے کی کوشش کریں گے۔ میں ویسٹ انڈیز کے خلاف اوپرکے نمبروں پر بیٹنگ کی کوشش کروں گا۔

ایک سوال کے جواب میں انھوں نے کہا کہ راحت علی، شاہین آفریدی، عثمان شنواری کل نہیں کھیلیں گے، البتہ پلینگ الیون کا حتمی فیصلہ کل کیا جائے گا۔


پاک ویسٹ انڈیز سیریز، میچ کے تمام ٹکٹس آن لائن فروخت


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔

Comments

comments

یہ بھی پڑھیں