The news is by your side.

Advertisement

کپتانی کے لیے گرین سگنل پہلے بھی تھا، امید ہے آگے بھی ہوگا‘ سرفرازاحمد

کراچی: قومی کرکٹ ٹیم کے کپتان سرفراز احمد کا کہنا ہے کہ میری معافی کے باوجود ایک لفظ کو ایشو بنایا گیا۔

تفصیلات کے مطابق کراچی میں پریس کانفرنس کے دوران قومی کرکٹ ٹیم کے کپتان سرفراز احمد نے کہا کہ میں نے غلطی کی، اسے تسلیم کیا، وکٹ کے پیچھے بولنا میری عادت ہے۔

انہوں نے کہا کہ میری نیچرتبدیل نہیں ہوسکتی، کوشش کروں گا جوچیزیں ہوگئیں وہ پھرنہ ہوں، ایک لفظ کو لے کراتنا بڑا ایشو بنا دیا گیا۔

سرفراز احمد نے کہا کہ فیلوکوائیوکوشک تھا کہ میں نے اس کی والدہ کو غلط بولا، میں نے کھلاڑی کی ماں کے حوالے سے غلط بات نہیں کی۔

قومی کرکٹ ٹیم کے کپتان نے کہا کہ ٹیم کا کپتان کوئی بھی ہو پاکستان کے لیے کھیلتے رہیں گے، پی سی بی نے بہت سپورٹ کیا ،عوام کی بھی سپورٹ رہی۔

سرفراز احمد نے کہا کہ کپتانی کے لیے گرین سگنل پہلے بھی تھا، امید ہے آگے بھی ہوگا‘ انہوں نے کہا کہ سارے لڑکے بہت اچھے ہیں حوصلہ افزائی کی ضرورت ہے۔

آئی سی سی نے سرفرازاحمد پر4 میچوں کی پابندی لگا دی

یاد رہے کہ 27 جنوری کو انٹرنیشنل کرکٹ کونسل نے نسل پرستانہ جملے کسنے پرقومی کرکٹ ٹیم کے کپتان سرفراز احمد پر4 میچز کی پابندی عائد کی تھی۔

Comments

comments

یہ بھی پڑھیں