The news is by your side.

Advertisement

پاکستان ٹیم نے بہترین کھیل پیش کیا، کریڈٹ ملنا چاہئے، سرفراز احمد

دبئی: قومی کرکٹ ٹیم کے کپتان سرفراز احمد نے کہا ہے کہ پاکستان ٹیم نے بہترین کھیل پیش کیا، کریڈٹ ملنا چاہئے، کھلاڑیوں نے جیتنے کے لیے بہت محنت کی۔

ان خیالات کا اظہار انہوں نے اے آر وائی نیوز سے خصوصی گفتگو کرتے ہوئے کیا، سرفراز احمد نے کہا کہ قومی ٹیم نے بہت محنت کی، آسٹریلیا کے کھلاڑیوں نے بھی اچھی کرکٹ کھیلی تاہم ہمیں مڈل آرڈر کی کارکردگی بہتر بنانے کے لیے کام کرنے کی ضرورت ہے۔

سرفراز احمد نے کہا کہ آصف علی کو اوپر کھلانے کا سوچ رہے ہیں تاکہ وکٹ پر ٹکنے کا موقع ملے، آنے والے دنوں میں آصف علی کی کارکردگی بہتر ہوگی، آسٹریلیا کے خلاف تینوں شعبوں میں ہماری کارکردگی بہتر رہی ہے۔

کپتان قومی کرکٹ ٹیم نے کہا کہ آسٹریلیا کے خلاف ٹیسٹ میچز بھی اچھے کھیلے، ٹیم کا اچھی کمبی نیشن ہے جونیئر اور سینئر مل کر پرفارم کررہے ہیں۔

سرفراز احمد نے کہا کہ عماد اور حفیظ کے آنے سے ٹیم میں فرق پڑا ہے، محمد حفیظ کو جو کردار دیا اچھا نبھایا، شاداب خان نے بھی اہم موقع پر وکٹیں حاصل کیں۔

نیوزی لینڈ کے خلاف ٹی ٹوینٹی سیریز کے حوالے سے سرفراز احمد نے کہا کہ ہر ٹیم ٹف ہوتی ہے کوشش ہے نیوزی لینڈ کے خلاف اچھا کھیلیں، کیویز کے خلاف پہلا میچ جیت کر اچھا آغاز کرنا چاہتے ہیں۔

مزید پڑھیں: نیوزی لینڈ کے خلاف پاکستان کے ٹی ٹوئنٹی اسکواڈ کا اعلان

واضح رہے کہ 31 اکتوبر سے ابوظبی میں شروع ہونے والی نیوزی لینڈ کے خلاف ٹی ٹوینٹی سیریز کے لیے قومی ٹیم کا اعلان کردیا گیا ہے، آسٹریلیا کے خلاف کامیابی حاصلی کرنے والی ٹیم کو برقرار رکھا گیا ہے، ٹیم ان کھلاڑیوں پر مشتمل ہے۔

فاتح اسکواڈ میں سرفراز کپتان ہیں اور ٹیم میں فخر زمان، محمد حفیظ، صاحب زادہ فرحان ، بابر اعظم، شعیب ملک، حسین طلعت، شاداب خان، شاہین آفریدی، عثمان خان، عماد وسیم، وقاص مقصود ، فہیم اشرف اور آصف علی شامل ہیں۔

Comments

comments

یہ بھی پڑھیں