کراچی: پاکستان ون ڈے اور ٹی ٹوینٹی کرکٹ ٹیم کے نائب کپتان حج کی سعادت حاصل کرنے کے باعث زمبابوے کے خلاف ٹیم کا حصہ نہیں ہوں گے۔
پی سی بی ذرائع کے مطابق زمبابوے کے خلاف سیریز کے موقع پر سرفراز احمد حج کی سعادت حاصل کرنے کی غرض سے سعودی عرب میں ہوں گے اس لیے وہ زمبابوے کے خلاف ون ڈے اور ٹی ٹوینٹی سیریز میں حصہ نہیں لے سکیں گے۔
سرفراز احمد نے اس حوالے سے سلیکشن کمیٹی کو بھی آگاہ کر دیا ہے،سرفراز احمد کی جگہ محمد رضوان وکٹ کیپنگ کے فرائض سرانجام دیں گے۔
زمبابوے کے خلاف دو ٹی ٹوینٹی میچز کے لئے محمد حفیظ، احمد شہزاد اور عمر اکمل کو ڈراپ کرکے نوجوان کرکٹرز کو موقع دیئے جانے کا بھی امکان ہے۔
