The news is by your side.

Advertisement

سرگودھا : 70سالہ دلہے کو بڑا دھچکا، دلہن لاکھوں روپے لوٹ کر فرار

سرگودھا :ستر سال کے دلہے کو اس کی28سالہ نوبیاہتا دلہن نے ہی لوٹ لیا، دلہن نے دودھ میں نشہ ملا کر گھر کا صفایا کردیا، نوشے میاں سہرا سر پر سجائے قانونی کارروائی کے لیے تھانے پہنچ گئے۔

تفصیلات کے مطابق بڑی عمر میں شادی کرنے کا سہانا سپنا ڈراؤنا خواب بن گیا، سرگودھا کے علاقے چک69کے رہائشی70سالہ محمد مصطفیٰ کی شادی خود سے آدھی عمر سے بھی کم 28سالہ نجمہ سے گزشتہ روز ہوئی تھی۔

نوشے میاں کو شادی کی پہلی رات دلہن نے دودھ میں جانے کیا ملا کر پلادیا کہ موصوف کو اپنا ہوش ہی نہ رہا، آنکھ کھلی تو صبح ہوچکی تھی اور جب تک دنیا لٹ چکی تھی، دلہن ساڑھے تین لاکھ روپے کی نقدی اور زیورات لوٹ کر فرار ہوگئی۔

عمر رسیدہ دلہا محمد مصطفیٰ سہرا سر پر سجائے قانونی کارروائی کے لیے تھانہ صدر پہنچ گیا، پولیس کو دی گئی درخواست میں اس کا مؤقف ہے کہ ایک منظم سازش کے تحت مجھے پھنسایا گیاہے۔

بھلوال کی نوسر باز خاتون نے اس کی شادی کروائی تھی،  مجھ سے شادی عوض 70 ہزار روپے اور دیگر سامان بھی لیا گیا، بعد میں معلوم ہوا کہ نکاح خواں اور گواہان بھی جعلی تھے، ملزمان کے خلاف کارروائی کی جائے۔

Comments

comments

یہ بھی پڑھیں