The news is by your side.

Advertisement

سرگودھا میں ڈمپر اور وین میں تصادم، 3 خواتین سمیت 4 افراد جاں بحق

سرگودھا: پنجاب کے شہر سرگودھا فیصل آباد روڈ پر 2 ڈمپرز اور مسافر وین میں تصادم کے نتیجے میں 3 خواتین اور ایک مرد موقع پر جاں بحق ہوگیا۔

اے آر وائی نیوز کی رپورٹ کے مطابق سرگودھا فیصل آباد روڈ پر ڈمپرز اور مسافر وین میں خوفناک تصادم ہوا جس کے نتیجے میں مسافر وین میں سوار 3 خواتین اور ایک مرد موقع پر ہی جاں بحق ہوگئے، حادثے میں 10 مسافر زخمی ہوئے۔

حادثے میں زخمی مسافروں کو طبی امداد کے لیے اسپتال منتقل کردیا گیا، جہاں تین زخمیوں کی حالت نازک بتائی جارہی ہے۔

ریسکیو ذرائع کے مطابق مسافر وین چنیوٹ سے سرگودھا جارہی تھی کہ میڈیکل کالج کے قریب دو ڈمپر کے ساتھ حادثے کا شکار ہوگئی۔

پولیس کے مطابق ڈمپر ڈرائیور موقع سے فرار ہونے میں کامیاب ہوگیا، پولیس کا کہنا ہے کہ جائے وقوعہ پر قانونی کارروائی کا آغاز کردیا گیا ہے۔

یاد رہے کہ 24 اکتوبر کو پنجاب کے ضلع جہلم کی تحصیل پنڈدادنخان میں تیز رفتار ڈمپر مسافر وین سے ٹکرا گیا، جس کے نتیجے میں خواتین اور بچوں سمیت آٹھ افراد جاں بحق جبکہ چھ زخمی ہوگئے تھے۔

Comments

یہ بھی پڑھیں