The news is by your side.

Advertisement

زچگی کے بعد خاتون کو اسپتال کے باہر تڑپتا چھوڑ دیا گیا

پنجاب کے شہر سرگودھا میں زچگی کے عمل سے گزرنے والی خاتون کو مبینہ طور پر اسپتال سے نکال دیا گیا۔

اے آر وائی نیوز کے مطابق سرگودھا کے مولا بخش اسپتال سے ایک روز قبل بڑے آپریشن سے زچگی کے عمل سے گزرنے والی خاتون کو مبینہ طور پر اسپتال سے باہر نکال دیا گیا۔

خاتون مریض خون میں لت پت فٹ پاتھ پر تڑپتی رہی

ذرائع کے مطابق خاتون مریض خون میں لت پت فٹ پاتھ پر تڑپتی رہی پر کسی کو رحم نہ آیا۔

خاتون کو ڈلیوری کے لیے اسپتال لایا گیا تھا، اسپتال ذرائع کا کہنا ہے کہ پروین بی بی کو گزشتہ روز مولا بخش اسپتال لایا گیا تھا ان کی حالت نازک تھی۔

اسپتال انتظامیہ کے مطابق آپریشن کے ذریعے بچے کی قبل از وقت پیدائش ہوئی، بچہ بھی تشویش ناک حالت میں اسپتال میں زیر علاج ہے۔

اسپتال انتظامیہ سے اس سارے معاملے پر بات کی گئی تو کوئی تسلی بخش جواب نہ ملا اور ٹال مٹول کی جاتی رہی۔

Comments

یہ بھی پڑھیں