ڈھائی سال کے دوران ترقی کے اہم اہداف حاصل کرلئے ، نواز شریف -
The news is by your side.

Advertisement

ڈھائی سال کے دوران ترقی کے اہم اہداف حاصل کرلئے ، نواز شریف

اسلام آباد : وزیر اعظم نواز شریف نے کہا ہے کہ حکومت دہشت گردی کے خاتمے اور معیشت کی بحالی کی پالیسی پر گامزن ہے۔ ڈھائی سال کے دوران ترقی کے اہم اہداف حاصل کرلئے ہیں۔

ان خیالات کا اظہار انہوں نے اسلام آباد میں دو روزہ پاکستان سرمایہ کاری کانفرنس کی افتتاحی تقریب سے خطاب کرتے ہوئے کیا ۔

کانفرنس میں 600 ملکی اورغیرملکی مندوبین نے بھی شرکت کی ۔ وزیر اعظم نواز شریف نے کہا کہ دوسری سرمایہ کاری کانفرنس کا افتتاح میرے لئے باعث مسرت ہے۔

کانفرنس کا مقصد پاکستان میں موجود سرمایہ کاری کے مواقع سے عالمی برادری کو آگاہ کرنا ہے،وزیر اعظم نے کہا کہ اللہ کے فضل سے مشکل فیصلے لیتے ہوئے معیشت کی بہتری کیلئے دہشت گردی اور انتہا پسندی کیخلاف کارروائی شروع کی۔

ان کا کہناتھا کہ ہماری حکومت کے چار بنیادی نکات توانائی، دہشت گردی کا خاتمہ، معیشت کی بحالی تعلیم و صحت اور امن و امان کی بحالی اہم اہداف ہیں۔

انہوں نے کہا کہ پاک چین اقتصادی راہداری سے معاشی سرگرمیوں کو فروغ ملے گا، حکومت دہشتگردی کے خاتمےاور معیشت کی بحالی کی پالیسی پر گامزن ہے تیل اور گیس کے منصوبوں پر بھی خصوصی توجہ دی جارہی ہے۔

بلدیاتی انتخابات میں عوام نے حکومتی پالیسیوں پر اعتماد کا اظہار کیا ہے، نواز شریف نے کہا کہ حکومت نے گزشتہ ڈھائی سالوں میں اہم اہداف حاصل کئے ہیں اور شفافیت کے ساتھ منصوبوں کو آگے بڑھارہی ہے۔

Comments

comments

یہ بھی پڑھیں