سرتاج عزیز کی امریکی سفیر سے ملاقات، ڈرون حملوں پر تحفظات کا اظہار -
The news is by your side.

Advertisement

سرتاج عزیز کی امریکی سفیر سے ملاقات، ڈرون حملوں پر تحفظات کا اظہار

اسلام آباد: مشیر خارجہ سرتاج عزیز نے امریکی سفیر سے ملاقات کی۔ ملاقات میں سرتاج عزیز نے ڈرون حملوں کے حوالے سے اپنے تحفظات کا اظہار کیا۔

تفصیلات کے مطابق مشیر خارجہ سرتاج عزیز نے امریکی سفیر ڈیوڈ ہیل سے ملاقات کی۔ یہ ان کی اس ہفتے دوسری ملاقات ہے۔

ملاقات میں سرتاج عزیز نے ڈرون حملوں پر اپنے تحفظات کا اظہار کرتے ہوئے کہا کہ ڈرون حملے پاکستان کی خود مختاری کے خلاف ہیں۔ انہوں نے کہا کہ ڈرون حملے عالمی قوانین کی بھی خلاف ورزی ہیں۔ انہوں نے امریکی سفیر کو ڈرون حملوں پر عوامی تشویش سے بھی آگاہ کیا۔

ملاقات میں ایف 16 طیاروں اور افغان امن عمل کے موضوع پر بھی تبادلہ خیال کیا گیا۔

ڈرون حملہ پر امریکی سفیر کی دفتر خارجہ میں طلبی، پاکستان کا احتجاج *

امریکی ڈرون حملے میں ملا منصور اختر مارا گیا *

امریکی ڈرون حملہ افسوس ناک ہے، آرمی چیف *

پاکستان نے حالیہ ڈرون حملہ پر دوسری دفعہ امریکہ کو اپنے تحفظات سے آگاہ کیا ہے۔ اس سے قبل پاکستانی حدود میں ڈرون حملہ کرنے پر پاکستان نے اپنے شدید رد عمل کا اظہار کرتے ہوئے امریکی سفیر کو دفتر خارجہ طلب کیا تھا۔

گذشتہ دنوں چیف آف آرمی اسٹاف جنرل راحیل شریف نے بھی امریکی سفیر سے جی ایچ کیو میں ملاقات کی تھی۔ ملاقات کے دوران آرمی چیف نے ڈرون حملوں پر شدید تحفظات کا اظہار کرتے ہوئے یاد دلایا کہ پاکستان کی دہشت گردی کی خلاف جنگ میں کاوشیں، قربانیاں اور کامیابیاں غیر متزلزل ہیں۔ جنگ میں پاکستان آرمی کے آفیسرز سے لے کر معصوم بچے شہید ہوئے ہیں۔

Comments

comments

یہ بھی پڑھیں