شوبز انڈسٹری کی معروف اداکارہ ثروت گیلانی نے خواتین کو پوسٹ پارٹم ڈپریشن سے خبردار کردیا۔
اداکارہ ثروت گیلانی اے آر وائی ڈیجیٹل کے ڈرامہ سیریل ’بریانی‘ میں اداکاری کے جوہر دکھا رہی ہیں جس کے مرکزی کردار میں رمشا خان اور خوشحال خان شامل ہیں۔
حال ہی میں ثروت گیلانی نے پروگرام ’گڈ مارننگ پاکستان‘ میں شرکت کی اور اس دوران پوسٹ پارٹم ڈپریشن سے متعلق اظہار خیال کیا۔
انہوں نے خواتین پر زور دیا کہ وہ اسے سنجیدگی سے لیں اس سے پہلے کہ یہ ہاتھ سے نکل جائے۔ انہوں نے تیسرے بچے کی پیدائش کے فوری بعد پوسٹ پارٹم ڈپریشن علامات کا بھی تذکرہ کیا۔
اداکارہ نے کہا کہ دماغی بیماریاں نظر نہیں آتیں اسی وجہ سے لوگ انہیں نظر انداز کرتے ہیں لیکن وہ موجود ہیں، بہت سی قابل خواتین دماغی صحت کے مسائل اور زچگی کے بعد کے ڈپریشن سے انجانے میں گزرتی ہیں اور ان کے گھر والوں کو بھی اس کا احساس نہیں ہوتا، میری سب سے گزارش ہے کہ وہ پوسٹ پارٹم ڈپریشن میں مبتلا خواتین کا خیال رکھیں۔
انہوں نے کہا کہ تیسرے بچے کی پیدائش کے بعد میں بچے کو کچھ نہیں کر پاتی تھی اور گھبراہٹ کا شکار ہونے لگتی تھی، جس میں ہر سات میں سے ایک عورت میں گھبراہٹ کے حملے، پریشانی، سانس لینے میں دشواری جیسے خیالات شامل ہیں۔
انہوں نے مزید کہا کہ اسپتال میں سوچتی تھی کہ اگر میں نے اپنی بیٹی کو پھینک دیا تو میری مشکلات ختم ہو جائیں گی لیکن کوئی بھی ماں اپنے بچے کے ساتھ ایسا نہیں کرنا چاہتی، یہ ایک بیماری ہے، جب میں نے آپ کے شو میں پوسٹ پارٹم ڈپریشن کے بارے میں بات کی تو بہت سی خواتین نے مجھ سے اس کے بارے میں پوچھا، بہت سے لوگوں نے کہا کہ آخر کار ان کے گھر والوں نے اعتراف کیا کہ پوسٹ پارٹم ڈپریشن ہے اور ان کی دیکھ بھال کرنا شروع کر دی۔
ثروت گیلانی نے کہا کہ میں نے اپنے شوہر کے ساتھ تجربہ شیئر کیا وہ سمجھ گئے، براہ کرم اس کے بارے میں معلومات تلاش کریں اور جیسے ہی آپ کو پہلی علامات نظر آئیں جیسے آدھی رات میں سوچتی ہوں کہ ‘مجھے اپنے بچوں کو مار دینا چاہیے۔’ یہ حقیقی خواہشات نہیں ہیں یہ ڈپریشن ہے۔
صحافی و بلاگر، 8 سال سے اے آر وائی نیوز سے وابستہ ہیں