اگر کسی کے خلاف غداری کا مقدمہ ہے تو عدالت میں چلایا جائے،ساتھی اسحاق -
The news is by your side.

Advertisement

اگر کسی کے خلاف غداری کا مقدمہ ہے تو عدالت میں چلایا جائے،ساتھی اسحاق

کراچی : متحدہ قومی موومنٹ لندن کے رہنما ساتھی اسحاق کا کہنا ہے کہ اگرکسی کے خلاف غداری کا مقدمہ ہے تو اسے عدالت میں چلایا جائے،سیاسی سرگرمیوں پر قدغن نہ لگائی جائے۔

تفصیلات کے مطابق ایم کیو ایم کے رہنما ساتھی اسحاق اپنے دو رہنماؤں ڈاکٹر حسن ظفر اور کنور خالد یونس کی گرفتاری پر ردعمل دے رہے تھے،انہوں نے کہا کہ سیاست کرنا پر شہری کا بنیادی حق ہے تا ہم اگر کسی شخص پر کوئی مقدمہ ہے تو اسے عدالت میں پیش کیا جائے۔

اسی سے تعلق : متحدہ لندن کے رہنما حسن ظفر عارف اور کنور خالد پریس کلب سےگرفتار

ایم کیو ایم لندن کی رابطہ کمیٹی کے رکن ساتھی اسحاق ایڈوکیٹ نے اپنے ساتھیوں کی گرفتاری کی مذمت کرتے ہوئے کہا کہ ہمارے رہنماؤں کی گرفتاریاں جمہوریت کے منافی عمل ہے،ہمیں سیاست کرنے کابنیادی حق دیا جائے ہم ملک دشمن نہیں۔

انہوں نے مطالبہ کیا کہ ڈاکٹر حسن ظفر اور کنور خالد یونس سمیت اگر کسی کے خلاف کوئی بھی مقدمہ ہے تو اسے عدالت میں چلایا جائے نا کہ سیاسی سرگرمیوں پر بھی پابندی لگا دی جائے۔

واضح رہے کہ آج پریس کلب میں متحدہ قومی موومنٹ لندن سے تعلق رکھنے والے رابطہ کمیٹی کی جانب سے پریس کانفرنس کا اعلان کیا گیا تھا تا ہم جب ایم کیو ایم کے رہنما پریس کلب پہنچے تو رابطہ کمیٹی کے اراکین ڈاکٹر حسن ظفر اور خالد یونس کو حراست میں لے لیا گیا۔

دونوں رہنماؤں کی گرفتاری کے بعد پریس کانفرنس ملتوی کردی گئی، تاہم دونوں رہنماؤں پر قائم مقدمات کی نوعیت کا تاحال علم نہیں ہوسکا ہے۔

Comments

comments

یہ بھی پڑھیں