اسلام آباد: وزارت تعلیم نے اسلام آباد کے تعلیمی اداروں میں ہفتے کی چھٹی ختم کردی۔
اے آر وائی نیوز کے مطابق وفاقی دارالحکومت کے تعلیمی اداروں میں ہفتے کی چھٹی ختم کردی گئی ہے جس کا نوٹیفکیشن بھی جاری کردیا گیا ہے۔
نوٹیفکیشن کے مطابق فیصلے کا اطلاق 10 اگست سے ہوگا۔
نوٹیفکیشن میں کہا گیا ہے کہ ہفتے کے روز تعلیمی اداروں میں مختلف مضامین میں کمزور بچوں پر توجہ دی جائے گی اور مختلف غیر نصابی سرگرمیوں کا اہتمام بھی کیا جائے گا۔
مذکورہ فیصلہ سیکریٹری وفاقی تعلیم و پیشہ ورانہ تربیت کے احکامات پر کیا گیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں