اسلام آباد : سعودی وزیر دفاع شہزادہ محمد بن سلمان آج پاکستان کے ایک روزہ دورے پر اسلام آباد پہنچیں گے.
تفصیلات کےمطابق سعودی وزیردفاع شہزادہ محمد بن سلمان ایک روزہ دورے کے دوران وزیراعظم نوازشریف اورآرمی چیف جنرل راحیل شریف کے علاوہ دفاعی امور سے متعلق شخصیات سے ملاقاتیں کریں گے.
ذرائع کے مطابق وزیر دفاع خواجہ محمد آصف بھی سعودی وزیردفاع سے ملاقات کریں گے،جس میں دوطرفہ دلچسپی کے امور باہمی تعلقات اور دفاعی شعبے میں تعاون اورفروغ پر بات چیت ہوگی.
سعودی وزیر دفاع اپنی ملاقاتوں میں مشرق و سطیٰ کی صورتحال اور بالخصوص یمن اور شام سمیت بعض ممالک میں تازہ ترین ہونے والے حالات پر بھی تبادلہ خیال کریں گے اور انسداد دہشت گردی سے متعلق تعاون پر بھی غور ہوگا.
*سعودی وزیردفاع شہزادہ محمد بن سلمان اسلام آباد پہنچ گئے
یاد رہےاس سے قبل رواں سال جولائی میں سعودی نائب ولی عہد شہزادہ محمد بن سلمان پاکستان پہنچےتوایئر پورٹ پر خواجہ آصف اور سرتاج عزیز نے ان کا استقبال کیاتھا.
اے آر وائی نیوز کی ڈیجیٹل ڈیسک کی جانب سے شائع کی گئی خبریں