اسلام آباد: سعودی عرب کے سفیر نواف سعید المالکی کی نیول ہیڈ کوارٹرز میں پاک بحریہ کے سربراہ ایڈمرل ظفر محمود عباسی سے ملاقات ہوئی۔
ترجمان پاک بحریہ کے مطابق سعودی عرب کے سفیر نواف عبدالمالکی اور پاک بحریہ کے سربراہ ایڈمرل ظفر محمود عباسی کی ملاقات کے دوران پاکستان اور سعودی عرب کے مابین بحری دفاعی تعاون پر تبادلہ خیال کیا گیا۔
ترجمان پاک بحریہ کے مطابق ملاقات کے دوران باہمی دلچسپی کے امور بشمول میری ٹائم سیکیورٹی پر بھی بات چیت کی گئی۔
مزید پڑھیں: اگر میڈیا کلاشنکوف دکھائے گا تو سرمایہ کار پاکستان نہیں آئیں گے، سعودی سفیر
امیر البحر نے سعودی عرب کے سفیر کو پاک بحریہ کی بحیرہ عرب میں ریجنل میری ٹائم سیکیورٹی پیٹرولز کے متعلق بھی آگاہ کیا۔
ترجمان پاک بحریہ کے مطابق سعودی سفیر نے پاک بحریہ کی خطے میں سیکیورٹی کے استحکام کی کاوشوں کو سراہا۔
