جدہ : سعودی عرب میں طوفانی بارشوں نے تباہی مچادی، مختلف حادثات میں پانچ افراد جاں بحق اور متعدد زخمی ہوگئے۔
سعودی عرب میں بارشوں کا سلسلہ جاری ہے۔ مختلف شہروں میں شدید بارش کے بعد سیلابی صورت حال پیدا ہو گئی۔ جبکہ مختلف حادثات میں پانچ افراد جاں بحق ہو گئے، شاہراہوں پر جگہ جگہ بل بورڈ گرنے اور پانی جمع ہونے سے ٹریفک کا نظام برہم برہم ہوکر رہ گیا۔
کئی نشیبی علاقوں میں بارش کا پانی جمع ہوگیا جس سے شہریوں کو مشکلات کا سامنا کرنا پڑا لیکن کئی منچلے بارش کا مزہ لینے گھروں سے باہر نکل آئے.
جدہ، مکہ مکرمہ ،مدینہ اور تبوک سمیت کئی شہروں میں بارش ہوئی، جس سے موسم ٹھنڈا ہوگیا ہے، بارشوں کے باعث اسکول اور کالجز بند رہے۔
محکمہ موسمیات نے مزید بارشوں کی پیش گوئی کی ہے.
اے آر وائی نیوز کی ڈیجیٹل ڈیسک کی جانب سے شائع کی گئی خبریں