ریاض : سعودی عرب اور متحدہ عرب امارات سمیت خلیجی ممالک میں عیدالفطر آج منائی جارہی ہے۔
تفصیلات کےمطابق گزشتہ روزشوال کا چاند دیکھنے کے لیے سعودی عرب اور متحدہ عرب امارات میں عدالتی کونسل کا اجلاس ہوا جس میں کونسل ممبران کو مختلف ذرائع سے چاند کی شہادتیں موصول ہوئیں جس کے بعد ان ممالک میں عید الفطرآج منائی جائے گی جبکہ بحرین، قطر، کویت،اردن، فلسطین اورمصر میں بھی آج عید منائی جارہی ہے۔
دوسری جانب انڈونیشیا،ملائیشیا، سنگاپور،برونائی، آسٹریلیا اورنیوزی لینڈ میں بھی عید الفطرآج منائی جارہی ہے۔
عرب ممالک میں چاند نظر آنے کا اعلان
ادھربرطانیہ، یورپ اورامریکہ میں بھی آج عید منائی جائےگی۔
سعودی عرب میں چاند نظر آنے کے بعد اس بات کا قوی امکان ہے کہ پاکستان میں بھی شوال کا چاند اتوار کو نظر آجائے گا اور عید الفطر 26 جون بروز پیر کو منائی جائے گی تاہم پاکستان میں چاند کی رویت کا حتمی اعلان آج مرکزی رویت ہلال کمیٹی کے اجلاس میں کیا جائے گا۔