ریاض: سعودی شہری نے حاضری دماغی کا مظاہرہ کرتے ہوئے کمسن بچے کو آوارہ کتوں کے حملے سے بچا لیا۔
غیرملکی خبررساں ادارے کی رپورٹ کے مطابق قصیم ریجن کے شہر بریدہ میں بچہ سائیکل چلا رہا تھا کہ اس دوران دو کتے حملے کے لیے لپکے لیکن وہاں سے گزرنے والی کار کے ڈرائیور نے حملہ ناکام بنا دیا۔
ڈرائیور نے بروقت مداخلت کرتے ہوئے بچے کو بچایا اور کتے موقع سے فرار ہوگئے۔
بچے کے والد سعودی شہری زياد المشيقح نے سوشل میڈیا پر واقعے کی ویڈیو شیئر کی جس میں دیکھا جاسکتا ہے کہ کتے جیسے ہی بچے کے پاس آنے لگتے ہیں قریب سے گزرنے والی کار بچے پر حملے کو روک دیتی ہے۔
واقعے کے حوالے سے متعلقہ حکام نے کارروائی کا آغاز کردیا۔
خیال رہے کہ کتے کے کاٹنے سے بچوں کی جان بھی جاسکتی ہے اور اس طرح کے واقعات رونما ہوچکے ہیں۔
Comments
- Advertisement -
