ریاض: سعودی عرب نے مملکت میں 12سے17 سال کے افراد کو ‘موڈرناویکسین’ لگانے کی اجازت دے دی۔
عرب میڈیا کی رپورٹ کے مطابق سعودی عرب میں موڈرنا ویکسین اب بارہ سے سترہ سال کے افراد کو بھی لگائی جاسکے گی، حکومت نے منظوری دے دی ہے۔
مملکت میں نئی تعلیمی سال کا آغاز ہونے جارہا ہے اور حکومت نے 12 سال یا اس سے زائد عمر کے بچوں کیلئے ویکسینیشن لازمی قرار دی ہے۔
سعودی عرب: نئی ایس او پیز اور پابندیوں کا اعلان
موڈرناویکسین لگانے کی اجازت ملنے سے کم عمر طلبا کی ویکسینیشن کی استعداد بڑھے گی۔
خیال رہے کہ سعودی عرب میں 29 اگست سے نئے تعلیمی سیشن کا آغاز ہورہا ہے۔ وہ طالب علم اسکول آسکیں گے جن کی عمریں 12 سال سے زائد ہے اور وہ ویکسین یافتہ ہوں۔
تعلیمی اداروں میں اساتذہ اور عملے کی ویکسینیشن بھی لازمی ہے۔ علاوہ ازیں حکومت کی مؤثر پالیسی کے باعث مملکت میں وبائی کیسز حیران کم حد تک کم ہوگئے ہیں، یومیہ بنیادوں پر کم کیسز سامنے آرہے ہیں۔
