The news is by your side.

Advertisement

سعودی عرب میں نقد انعام پائیں

ریاض: سعودی وزارت تجارت کی جانب سے کاروبار سے متعلق جعل سازی، دھوکہ دہی اور غیرقانوی معاشی سرگرمیوں کی اطلاع دینے والے کو نقد انعام دیا جائے گا۔

عرب میڈیا کی رپورٹ کے مطابق سعودی عرب میں تجارتی جعل سازوں کے خلاف قانون کی گرفت مزید مضبوط کی جارہی ہے، اسی سلسلے میں نقد انعام دینے کا بھی اقدام سامنے آیا ہے۔ وزارت تجارت کے ترجمان عبدالرحمان نے کہا ہے کہ جرمانے کی رقم سے بھی اطلاع دینے والوں کو انعام دیا جائے گا۔

ان کا کہنا تھا کہ سعودی شہریوں کے نام پر غیرملکیوں کے کاروبار سے متعلق بتانے پر جرمانے کی رقم میں سے 30 فیصد انعام دیا جائے گا، یہ انعامی رقم عدالت کے حتمی فیصلے کے بعد دی جائے گی۔

ترجمان نے کہا کہ صارف متعلقہ اداروں کی آنکھ ہوتے ہیں جو تجارتی ماحول کو دیکھتے ہیں۔

یاد رہے کہ گزشتہ دنوں سعودی وزارت تجارت نے جعل سازی سے متعلق اطلاعات دینے والے 19 شہریوں اور مقیم غیر ملکیوں کو ایک لاکھ 23 ہزار ریال کے انعامات دینے کا اعلان کیا تھا۔

Comments

یہ بھی پڑھیں