The news is by your side.

Advertisement

سعودی عرب میں نئی ملازمتوں کا اعلان

ریاض: سعودی عرب نے مقامی شہریوں کے لیے نئی ملازمتوں کا اعلان کردیا۔

عرب میڈیا کی رپورٹ کے مطابق سعودائزیشن کے تحت 5 ہزار سعودی شہریوں کو قانونی مشیر کے عہدے کی نوکریاں دی جائیں گی انہیں کسی بھی لافرم ایجنسی میں وکیل کی ملازمت بھی ملے گی۔

سعودی وزارت افرادی قوت و سماجی بہبود کا کہنا ہے کہ کم از کم 5 ہزار مقامی شہریوں کو قانونی مشیر اور لا فرم ایجنسی کے وکیل کی ملازمت دلائی جائے گی۔

وزارت نے بتایا کہ یہ اقدام سعودائزیشن کے سلسلے کی ایک کڑی ہے، شعبہ قانون سے منسلک ہونے والے سعودیوں کی تنخواہ ممکنہ طور پر کم از کم ساڑھے پانچ ہزار ریال مقرر کی جائے گی۔

یہ بھی کہا گیا ہے کہ اس فیصلے کے دور رس نتائج مرتب ہوں گے، اس کا پہلا فائدہ یہ ہوگا کہ زیر تربیت وکیل سوشل انشورنس میں اندراج کے فوائد محسوس کریں گے۔

رپورٹ میں کہا گیا ہے کہ سعودی عرب میں پیشہ ورانہ استعداد کی شرط کی بدولت وکالت اور قانونی مشاورت کا دائرہ بڑھے گا اور اس کے متعدد فوائد حاصل ہوں گے، وژن کے تحت مقامیوں کو ہر شعبے میں لانا بھی مقصود ہے۔

Comments

یہ بھی پڑھیں