The news is by your side.

Advertisement

سعودی عرب: مسافروں پر نئی پابندی کا اعلان

ریاض: سعودی عرب میں اندرون ملک پروازوں پر سفر کے لیے کوروناویکسینیشن کی پابندی کا اعلان کردیا گیا ہے۔

عرب میڈیا کی رپورٹ کے مطابق 10 اکتوبر(اتوار) سے جن مسافروں نے کورونا ویکسین نہیں لگوائی ہوگی انہیں اندرون ملک پروازوں پر سفر کرنے نہیں دیا جائے گا۔

سعودی سول ایوی ایشن کے تمام فضائی کمپنیوں کو ہدایت کی ہے کہ اندرون مملکت سفر کے لیے اتوار سے ویکسین کی دو خوراکوں پر عمل درآمد کرائیں، بصورت دیگر شہریوں کو سفر کی اجازت نہیں ہوگی۔

سول ایوی ایشن کی جانب سے ایئر لائنز کو جاری سرکلر میں کہا گیا ہے کہ اندرون مملکت سفر کرنے والوں کے لیے دس اکتوبر 2021 سے ویکسینیشن کی دونوں خوراکوں کا نظام فعال ہو جائے گا۔

مسافروں کو بورڈنگ پاس حاصل کرنے سے قبل ویکسینیشن کے بارے میں اپنا اسٹیٹس واضح کرنا ہوگا۔

دوسری جانب وزارت داخلہ کی جانب سے احکامات جاری کیے گئے تھے کہ دس اکتوبر سے وہ افراد جنہوں ویکسین کی دونوں خوراکیں نہیں لی ہوں گی انہیں سرکاری و نجی دفاتر اور تعلیمی اداروں میں داخل نہیں ہونے دیا جائے گا۔

Comments

یہ بھی پڑھیں