The news is by your side.

Advertisement

سعودی حکومت کا معاشی ترقی کیلئے بڑا فیصلہ

ریاض : سعودی عرب میں تیل کی سب سے بڑی کمپنی آرامکو نے مقامی سرمایہ کاروں اور بڑی کمپنیوں کو خوش خبری سناتے ہوئے اپنے شیئرز فروخت کرنے کا فیصلہ کیا ہے۔

سعودی عرب کے خودمختار دولت فنڈ اور آرامکو کمپنی کے سربراہ یاسر الرمیان نے کہا ہے کہ آرامکو کے مزید شیئرز فروخت کرنے کا منصوبہ زیر غور ہے۔

سعودی ذرائع ابلاغ کے مطابق انہوں نے کہا کہ اس سے قبل بھی ہم نے آرامکو کے شیئرز فروخت کیے اور اس وقت بھی یہی کہا تھا کہ آنے والے دنوں میں مزید شیئر ز فروخت کیے جائیں گے۔

ان کا کہنا تھا کہ اس وقت ہم مارکیٹ کا جائزہ لے رہے ہیں، جیسے ہی مارکیٹ کے حالات بہتر ہوں گے ہم مزید حکومتی شیئرز فروخت کے لیے پیش کریں گے۔

یاسر الرمیان نے مزید کہا کہ اس وقت کئی مقامی سرمایہ کار اور بڑی کمپنیاں آرامکو کے شیئرز خریدنے کے خواہش مند ہیں۔ واضح رہے کہ 2019 میں آرامکو کمپنی نے اپنے دو فیصد شیئرز فروخت کیے تھے

سعودی خبر رساں ادارے کے مطابق سعودی حکومت نے 2019 میں ابتدائی عوامی پیش کش آئی پی او میں آرامکو کا 1.7 فیصد سے زیادہ فروخت کیا تھا جس نے ریکارڈ 29.4 بلین ڈالرکا اضافہ کیا۔

Comments

یہ بھی پڑھیں