The news is by your side.

Advertisement

سعودی عرب کی پاکستان کو بڑی پیشکش

اسلام آباد : معاون خصوصی زلفی بخاری نے سعودی وزیر سیاحت احمد بن عقیل کو سیاحت میں سرمایہ کاری کی دعوت دی، جس پر احمد بن عقیل نے سعودی عرب میں پاکستانی سیاحت کے فروغ کی پیشکش کردی۔

تفصیلات کے مطابق پاکستان میں سیاحتی سرگرمیوں کی بحالی کیلئے حکومتی کوششیں جاری ہے، پاکستان اور سعودی عرب کے درمیان سیاحتی سرگرمیوں کی بحالی کیلئے اہم رابطہ ہوا۔

معاون خصوصی زلفی بخاری اورسعودی وزیرسیاحت احمد بن عقیل میں وڈیو لنک پر رابطہ ہوا، جس میں دونوں رہنماؤں کے درمیان سیاحت کا شعبہ دوبارہ کھولنے پر تبادلہ خیال کیا گیا۔

ترجمان وزارت اوورسیز نے کہا زلفی بخاری کی سعودی وزیر کو پاکستان میں سیاحت میں سرمایہ کاری کی دعوت دی جبکہ دونوں رہنماؤں کا سیاحت کے ذریعے ورثےکومحفوظ رکھنے پراتفاق ہوا۔

ترجمان کے مطابق سعودی وزیر احمد بن عقیل نے سعودی عرب کےنئے سیاحتی فنڈز سے آگاہ کیا اور سعودی عرب میں پاکستانی سیاحت کے فروغ کی پیشکش کی جبکہ معاون خصوصی نے سعودی وزیر کو پاکستان میں سیاحت کی اہمیت سےبھی آگاہ کیا۔

یاد رہے وزیر اعظم کے معاون خصوصی زلفی بخاری زلفی بخاری نے کہا تھا کہ پاکستان میں سیاحتی شعبےکی ترقی وزیراعظم کی اولین ترجیح ہے، پائیدار، ماحول دوست سیاحت کے فروغ کے لیے 10سالہ پالیسی تشکیل دی۔

وزیراعظم کے معاون خصوصی کا کہنا تھا کہ پالیسی پر عمل درآمد کے لیے5 سالہ ایکشن پلان بھی مرتب کیاگیا،وبائی صورتحال کے باعث پالیسی پر عمل درآمد میں تاخیر ہوئی۔

Comments

یہ بھی پڑھیں