The news is by your side.

Advertisement

سعودی عرب: بحیرہ احمر پروجیکٹ کے حوالے سے ورکرز کے لیے بڑی خبر

ریاض: سعودی عرب کے بحیرہ احمر ڈیولپمنٹ پروجیکٹ کے ورکرز کے لیے 17 ہزار رہائشی کیبن تیار کیے گئے ہیں۔

تفصیلات کے مطابق بحیرہ احمر ڈیولپمنٹ کمپنی کا کہنا ہے کہ ہاؤسنگ ولیج میں 17 ہزار رہائشی کیبن تیار کیے گئے ہیں جن میں 10 ہزار سے زیادہ ورکرز کو ٹھہرایا جائے گا اور مزید 1 ہزار کیبن بنائے جائیں گے۔

بحیرہ احمر ویلج تمام ضروریات اور تفریحاتی سہولتوں سے آراستہ ہے، یہاں کرکٹ، فٹبال، باسکٹ بال اور والی بال کھیلوں کا انتظام کیا گیا ہے،اسپورٹس کلب قائم ہے جبکہ سینما گھر بھی کھولے گئے ہیں۔ویلج میں رشتے داروں اور احباب سے رابطے کے لیے ورکرز کو جدید طرز کا کمیونیکیشن بھی مہیا ہوگا۔

میڈیکل سینٹر میں لیبارٹری بھی ہے، ڈاکٹرز، نرسیں اور معاون طبی عملہ 24 گھنٹے ورکرز کی خدمت پر مامور ہیں۔

یاد رہے کہ بحیرہ احمر پروجیکٹ سعودی عرب کا عظیم الشان سیاحتی منصوبہ ہے۔ولی عہد شہزادہ محمد بن سلمان نے اس کا اعلان 31 جولائی 2017 کو کیا تھا۔اس پروجیکٹ پر 2019 کی پہلی سہ ماہی میں کام شروع کیا گیا۔

Comments

یہ بھی پڑھیں