تازہ ترین

سعودی عرب میں خوفناک ٹریفک حادثہ، 35 افراد جاں بحق

ریاض: سعودی عرب میں مدینہ منورہ سے 170 کلومیٹر دور ہجرہ روڈ پر بس اور ٹرک میں تصادم کے نتیجے میں 35 افراد جاں بحق جبکہ 4 افراد زخمی ہوگئے۔

تفصیلات کے مطابق مدینہ منورہ سے 170 کلومیٹر دور ہجرہ روڈ پر بس ٹرک سے ٹکرا گئی جس کے بعد بس میں آگ بھڑک اٹھی، افسوس ناک حادثے میں 35 افراد جان کی بازی ہار گئے جبکہ 4 افراد زخمی ہوگئے۔

سعودی میڈیا کے مطابق حادثے میں جاں بحق ہونے والے افراد کا تعلق افریقی اور ایشیائی ممالک سے بتایا جاتا ہے۔

سعودی پولیس حکام کے مطابق حادثے میں زخمی ہونے والے افراد کو الحمنہ اسپتال منتقل کردیا گیا ہے جہاں انہیں طبی امداد دی جا رہی ہے۔ حادثے کی تفتیش بھی شروع کردی گئی ہے۔

مدینہ منورہ کے گورنر شہزادہ فیصل بن سلمان بن عبدالعزیز نے حادثے میں جاں بحق ہونے والے افراد کے لواحقین سے تعزیت اور دکھ کا اظہار کیا ہے۔

اس سے قبل رواں سال فروری میں سعودی عرب کے شہر ابہا میں ٹریفک حادثے میں دلہا اور دلہن جاں بحق جبکہ 3 افراد زخمی ہوگئے تھے۔

سعودی عرب میں اندوہناک ٹریفک حادثہ، ماں اور چار بچے جاں بحق

یاد رہے کہ گزشتہ سال دسمبر میں سعودی عرب کے صوبے النوایریا میں اندوہناک کار حادثہ پیش آیا تھا جس کے نتیجے میں ماں اور چار بجے جاں بحق ہوگئے تھے۔

اماراتی خاندان دو الگ الگ گاڑیوں میں سوار تھا جن میں سے ایک اُن کا بیٹا اور دوسری والد چلا رہے تھے۔ والد کے ساتھ گاڑی میں دو بھائی اور تین بہنیں جبکہ دوسری میں ماں اور بیٹا بیٹھے تھے۔

Comments

- Advertisement -