ریاض: سعودی محکمہ پاسپورٹ نے ایک سوال پر وضاحت جاری کی اور یہ بھی واضح کیا کہ غیر ویکسین یافتہ افراد اندرون وبیرون ملک سفر نہیں کرسکتے۔
سعودی عرب میں ایسے افراد جنہوں نے ویکسین کی دونوں خوراکیں نہیں لگوائی ان کا سرکاری و نجی اداروں، مارکیٹوں اور عوامی مقامات پر جانا منع ہے، انہیں سفری کی بھی اجازت نہیں ہوتی۔
محکمہ پاسپورٹ(جوازات) سے ایک شہری نے سوال کیا کہ بھارتی ملازم خروج نہائی پروطن گیا جہاں اس کا موبائل فارمیٹ ہو گیا اب صحتی کا پاسپورٹ اپ لوڈ نہیں ہورہا اسے کس طرح حاصل کیاجاسکتا ہے؟‘
جوازات نے وضاحت پیش کی کہ وزارت صحت کی ایپ توکلنا اور صحتی ایپ انڈیا میں بھی کام کرتی ہے، صحتی اور توکلنا ایپ کا دائرہ آنے والے دنوں مزید ممالک کے لیے وسیع کیا جائے گا۔
سعودی محکمہ پاسپورٹ نے مسئلے کا حل بتایا کہ موبائل فارمیٹ ہوگیا ہے تو دوبارہ صحتی ایپ انسٹال کرلی جائے کیونکہ ایپ میں رجسٹریشن کرانے کے بعد تمام ڈیٹا محفوظ رہتا ہے اگرایپ موبائل سے ’ان انسٹال‘ ہو جائے تو اسے دوبارہ ’انسٹال‘ کرنے کے بعد پاس ورڈ ڈالنے سے دوبارہ لاگ ان کرلیا جاسکتا ہے۔
جبکہ پاس ورڈ بھول جانے کی صورت میں ’فارگیٹ پاس ورڈ‘ کرکے دوبارہ نیا پاس ورڈ فیڈ کیا جاسکتا ہے، ایپ ری انسٹال کرنے کے بعد صحت سرٹیفکیٹ حاصل کرنا ممکن ہے۔
