ریاض : سعودی عرب کی وزارت بلدیات و دیہی و آباد کاری امور نے کہا ہے کہ بیوٹی پارلرز کے اندر سی سی ٹی وی کیمرے نصب کرنا قابل سزا عمل ہے۔
بیوٹی پارلرز کے اندر سی سی ٹی وی کیمرے نصب کرنا خلاف قانون ہے، سعودی قانون نے اس پر سزا مقرر کی ہے۔
سعودی ذرائع ابلاغ کے مطابق وزارت بلدیات نے بیان جاری کرکے کہا ہے کہ بیوٹی پارلرز میں سی سی ٹی وی کیمروں کی تنصیب پر سزاؤں کا نفاذ پندرہ جنوری2022 مطابق12 جمادی الثانی 1443ھ سے ہوگا، اس کی خلاف ورزی پر20 ہزار ریال تک جرمانہ ہے۔
#إنفوجرافيك | تعرف على مخالفة وجود كاميرات داخل محلات التزيين النسائي.#وزارة_الشؤون_البلدية_والقروية_والإسكان pic.twitter.com/vM7HbxaAq6
— وزارة الشؤون البلدية والقروية والإسكان (@saudimomra) January 11, 2022
مذکورہ وزارت نے توجہ دلائی ہے کہ سی سی ٹی وی کیمروں کی تنصیب پر مزید سزائیں بھی دی جائیں گی، دو ہفتے تک بیوٹی پارلر سیل کیا جائے گا، خلاف ورزی کی اصلاح کی بابت اطمینان حاصل کیا جائے گا اور خلاف ورزی دہرانے پر جرمانہ دُگنا کردیا جائے گا۔