ریاض: اقوام متحدہ کا کہنا ہے کہ سعودی عرب امداد دینے والا دنیا کا پانچواں بڑا ملک اور عرب دنیا میں سرفہرست ملک بن گیا۔
سعودی خبر رساں ادارے کے مطابق اقوام متحدہ کے ماتحت ادارے نے اپنی رپورٹ میں بتایا ہے کہ سعودی عرب نے سنہ 2019 کے دوران ایک ارب 281 ملین امریکی ڈالر امداد کے طور پر پیش کیے۔
رپورٹ کے مطابق 2019 کے دوران یمن کو سب سے زیادہ امداد دینے والا ملک سعودی عرب ہے جس نے یمن کو 1 ارب 216 ملین ڈالر پیش کیے۔ یہ یمن کو پیش کی جانے والی کل مدد کا 31.3 فیصد ہے۔
باقون على العهد في خدمة الإنسان،
وماضون في العطاء لرسم الابتسامة.. pic.twitter.com/ryGC25kF4f— مركز الملك سلمان للإغاثة (@KSRelief) January 2, 2020
شاہ سلمان مرکز برائے انسانی امداد کے نگران اعلیٰ ڈاکٹر عبداللہ الربیعہ نے شاہ سلمان اور ولی عہد شہزادہ محمد بن سلمان کو الگ الگ تہنیتی پیغام ارسال کر کے بتایا کہ سعودی عرب پوری دنیا میں امداد دینے والا پانچواں بڑا ملک ہے اور عرب دنیا میں اس حوالے سے سعودی عرب کا نمبر پہلا ہے۔
انہوں نے کہا کہ سعودی عرب نے یہ اعزاز اپنی قیادت کی لامحدود مدد کے نتیجے میں حاصل کیا ہے۔ سعودی عرب انسانی امداد کا مشن دین اسلام کے احکام پر عمل اور قومی اقدار سے متاثر ہو کر کر رہا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں