The news is by your side.

Advertisement

سعودی عرب: بچوں کے پاسپورٹ کا اجرا۔۔۔۔۔ یہ کام لازمی قرار دے دیا گیا

سعودی عرب نے بچوں کے پاسپورٹ اجرا کے لئے اہم شرط عائد کردی ہے۔

سعودی سرکاری خبر رساں ایجنسی ایس پی اے کے مطابق محکمہ پاسپورٹ نے مقامی شہریوں کو ہدایت جاری کیں ہے کہ اگر وہ بارہ برس یا اس سے زیادہ عمر کے بچوں کا نیا پاسپورٹ بنوانا چاہتے ہوں یا پہلے سے موجود پاسپورٹ میں توسیع کرانا چاہتے ہوں تواس کے لیے انہیں ان کے فنگر پرنٹس کرانے ہوں گے۔

یہ کام کس طرح سرانجام دیا جائے ؟ حکام نے اس کی وضاحت کرتے ہوئے کہا کہ ابشر پلیٹ فارم کے ذریعے آن لائن طریقہ متعارف کرایا گیا ہے جس کی مدد سے پرانے پاسپورٹ کی تجدید کرائی جاسکتی ہے جبکہ بچوں کا نیا پاسپورٹ بھی بنوایا جاسکتا ہے۔

یہ بھی پڑھیں: سعودی عرب میں بچوں کا اقامہ، بڑی خبر سامنے آگئی

حکام نے بتایا کہ اس کے علاوہ نیا پاسپورٹ و تجدید شدہ پاسپورٹ نیشنل ایڈریس پر’سبل‘ کے ذریعے منگوایا جاسکتا ہے۔

بیان میں مزید کہا گیا کہ قومی شناختی کارڈ کے اجرا کے لیے احوال مدنیہ کے دفاتر سے رجوع کریں، اس کے لیے انہیں پہلے سے ٹائم لینا ہوگا۔

Comments

یہ بھی پڑھیں