سعودی عرب کی افغانستان میں ہونے والے خودکش دھماکے کی مذمت saudi-arabia-condemns-afghanistan-suicide-bombing
The news is by your side.

Advertisement

سعودی عرب کی افغانستان میں ہونے والے خودکش دھماکے کی مذمت

ریاض : سعودی عرب نے جلال آباد میں ہونے والے خودکش دھماکے کی مذمت کرتے ہوئے دہشت گردی کے خلاف جاری جنگ میں افغان حکومت کے ساتھ تعاون کرنے کا اظہار کیا ہے۔

تفصیلات کے مطابق سعودی عرب کی وزارت خارجہ کی جانب سے ایک بیان جاری ہوا ہے جس میں  افغانستان کے صوبے ننگر ہار کے میں  اتوار کے روز ہونے والے خودکش دھماکے کی شدید مذمت کرتے ہوئے زخمیوں کی جلد صحت یابی کی دعا کی ہے۔

سعودی عرب کی وزارت خارجہ کے جاری بیان میں کہا گیا ہے کہ سعودی حکام خودکش بم دھماکے میں جاں بحق ہونے والے افغان شہریوں کے اہل خانہ کے غم میں برابر کے شریک ہیں اور متاثرہ خاندانوں سے گہری ہمدردی رکھتے ہیں۔

سعودی وزارت خارجہ کے اعلیٰ عہدے دار کا بیان میں کہنا تھا کہ افغانستان میں دہشت گردی اور شدت پسندی کے خلاف جاری جنگ میں سعودی عرب مکمل تعاون کرنے کو تیار ہے۔

یاد رہے کہ اتوار کے روز افغانستان کے شہر جلال آباد میں گورنر ہاؤس کے قریب خودکش حملے میں سترہ افراد لقمہ اجل بنے ہیں، خودکش حملہ اس وقت ہوا جب جنگ بندی کے دوران صوبے کے گورنر طالبان کے ایک گروہ سے ملاقات کر رہے تھے۔ اس سے ایک روز قبل جلال آباد میں‌ ہونے والے دھماکے میں 36 ہلاکتیں ہوئی تھیں۔

اطلاعات کے مطابق اس دھماکے کی ذمے داری عالمی شدت پسند تنظیم دولتِ اسلامیہ نے قبول کی ہے۔

واضح رہے کہ افغان طالبان نے بھی جنگ بندی میں توسیع نہ کرنے کا اعلان کرتے ہوئے صدر اشرف غنی کی پیش کش مسترد کر دی ہے. طالبان کی جانب سے سکیورٹی فورسز کے خلاف کارروائیاں شروع کرنے کا اعلان کیا گیا ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں