The news is by your side.

Advertisement

سعودی عرب : ماسک نہ پہننے پر سخت سزا کا اعلان

ریاض : سعودی عرب میں کورونا وائرس کی نئی قسم اومیکرون سے بچاؤ احتیاطی تدابیر اور اقدامات کا سلسلہ جاری ہے اس حوالے سے ایس او پیز کے عمل درآمد پر سختی کردی گئی ہے۔

اس حوالے سے سعودی عرب نے ماسک نہ پہننے پر سخت سزا مقرر کردی ہے، تمام شہریوں اور مقیم غیرملکیوں کو ماسک کی پابندی کی سختی سے تاکید کی ہے۔

ترجمان محکمہ پاسپورٹ نے کہا ہے کہ ماسک نہ پہننا یا ناک اور منہ کو نہ ڈھکنا خلاف قانون ہے، بصورت دیگر اس خلاف ورزی پر بھاری جرمانہ مقرر ہے۔

سعودی ذرائع ابلاغ کے مطابق محکمہ پاسپورٹ نے سماجی رابطے کی ویب سائٹ ٹوئٹر پر اپنے جاری پیغام میں کہا ہے کہ ماسک نہ پہننے کی غلطی دہرانے پر سزا دگنی ہوگی اور جرمانہ ایک لاکھ ریال تک ہوسکتا ہے۔

سعودی عرب میں دوبارہ ماسک پہننے اور سماجی فاصلہ احتیار کرنے کی پابندی |  Khabrain Group Pakistan

محکمہ پاسپورٹ نے سعودی شہریوں اور مقیم غیرملکیوں کو تاکید کی ہے کہ وہ کورونا وائرس سے بچاؤ، وبا کو پھیلنے سے روکنے اپنی اور دوسروں کی صحت و سلامتی کے تحفظ کے لیے ماسک کی مسلسل پابندی کریں۔

Comments

یہ بھی پڑھیں