ریاض : سعودی وزارت تعلیم نے مملکت کے تمام علاقوں میں قائم اسکولوں میں کورونا ایس او پیز میں نرمی کرتے ہوئے سماجی فاصلے کی پابندی ختم کردی ہے۔
وزارت تعلیم کی جانب سے 13 صوبوں میں موجود تمام شاخوں کے عہدیداران کو نئے فیصلے سے تحریری طور پر آگاہ کردیا گیا ہے۔
سعودی ذرائع ابلاغ کے مطابق کلاس رومز میں طلبہ سماجی فاصلے کی پابندی کے بغیر تعلیم حاصل کرسکیں گے، کورونا وبا سے پہلے کا ماحول بحال ہوجائے گا۔
وزارت تعلیم نے پرائمری، مڈل اور ثانوی اسکولوں میں نصابی اورغیر نصابی سرگرمیاں بھی بحال کرنے کا بھی فیصلہ کیا ہے۔
وزارت تعلیم نے گروپ سسٹم کی صورت میں اسکول آنے والا طریقہ کار ختم کیا ہے۔ یاد رہے کہ اس سے قبل کورونا وبا سے بچاؤ کے لیے طلبہ کو گروپوں میں تقسیم کیا گیا تھا اور ہر ایک گروپ کے لیے اسکول آنے کے دن متعین تھے۔
