The news is by your side.

Advertisement

کورونا وائرس : تعلیمی سرگرمیوں کے لیے سعودی حکومت کا اہم فیصلہ

ریاض : کورونا وائرس کے بعد پیدا ہونے والی صورتحال کے باعث معیشت کے تعلیمی سرگرمیوں پر بھی بہت برا اثر پڑا ہے جس کے سد باب کیلئے سعودی حکومت نے اہم فیصلے کیے ہیں۔

تفصیلات کے مطابق آن لائن تعلیم کے معیار میں بہتری لانے کے لیے سعودی عرب میں عالمی ماہرین پر مشتمل مشاورتی کمیٹی تشکیل دینے کا فیصلہ ہوا ہے۔

سعودی ذرائع ابلاغ کے مطابق وزیر تعلیم ڈاکٹر حمد بن محمد آل الشیخ نے کمیٹی تشکیل دینے کی منظوری دے دی ہے۔

قومی مرکز برائے آن لائن تعلیم کے تحت کام کرنے والی مشاورتی کمیٹی میں آن لائن تعلیم کے عالمی مراکز کے ماہرین کے علاوہ بین الاقوامی تعلیمی اداروں اور شعبہ تعلیم میں مہارت رکھنے والے مغربی ماہرین شامل ہوں گے۔

مرکز کا کہنا ہے کہ عالمی ماہرین پر مشتمل کمیٹی سعودی عرب میں آن لائن تعلیم کے حوالے سے مشورے دے گی، مستقبل میں بہتری کے لیے منصوبے تیار کرے گی اور جاری تعلیم کے حوالے سے نتائج سے آگاہ کرے گی۔

کمیٹی تعلیمی اداروں کو بہتر کارکردگی اور نتائج کے لیے معیار کو بلند کرنے اور مماثل عالمی اداروں کے نصاب اور طریقہ تعلیم سے بھی آگاہ کرے گی۔

مشاورتی کمیٹی کے ذمے یہ کام بھی لگایا گیا ہے کہ سعودی عرب میں آن لائن تعلیم کو بہتر بناکر اسے عالمی سطح پر لے جایا جائے۔

Comments

یہ بھی پڑھیں