ریاض: سعودی عرب کے شہر طائف میں کرونا وائرس کا مشتبہ مریض میڈیکل ٹیم کو چکمہ دے کر بھاگ نکلا۔
تفصیلات کے مطابق سعودی شہر طائف میں کرونا وائرس کا مشتبہ مریض میڈیکل ٹیم کو چکمہ دے کر بھاگ نکلا، مریض کو اسپتال منتقل کیا جا رہا تھا۔
المرصد کے کنگ فیصل میڈیکل کمپلیکس میں مریض کو دیگر مریضوں سے الگ رکھ کر علاج کیا جانا تھا۔ طائف کے ہیلتھ سینٹر میں شہری کا ابتدائی طبی معائنہ کیا گیا تھا جس سے اس شبے کو تقویت ملی کہ وہ کرونا وائرس میں مبتلا ہے۔
طائف کے محکمہ صحت کے ترجمان عبدالہادی الربیعی کے مطابق لیبارٹری کے معائنوں سے پتہ چلا کہ مقامی شہری کرونا وائرس سے پاک ہے۔ انہوں نے بتایا کہ شہری فرار نہیں ہوا بلکہ یہ کہہ کہ اسپتال سے گھر چلا گیا کہ اب اس کے کافی ٹیسٹ ہوچکے ہیں اور مزید طبی معائنے کے لیے تیار نہیں۔
انہوں نے واضح کیا کہ تشویش کی کوئی بات نہیں ہے،اسپتال سے گھر جانے والا مقامی شہری کرونا وائرس سے پاک ہے۔
