The news is by your side.

Advertisement

کورونا وائرس : سعودی پولیس بھی حرکت میں آگئی

ریاض : سعودی حکومت نے کورونا وائرس سے بچاؤ کے لیے عوام کو احتیاطی تدابیر پر سختی سے عمل درآمد اور تمام ایس او پیز پر کاربند رہنے کی ہدایات دی ہیں جن کی خلاف ورزی پر سخت کارروائی کی جا رہی ہے۔

تفصیلات کے مطابق سعودی عرب میں کورونا وائرس سے بچاؤ کے لیے مختلف قواعد و ضوابط متعین کیے گئے ہیں جن پر عمل نہ کرنے والے شہریوں کو جرمانے کا سامنا کرنا پڑے گا۔

وزارت داخلہ کی جانب سے جاری کیے جانے والے ایس او پیز کے تحت یہ لازمی ہے کہ گھروں سے باہر نکلنے پر ماسک استعمال کیاجائے، سماجی فاصلے کے دوری کے اصول کی پابندی اور اجتماع سے گریز کرنا ہے۔

سعودی ذرائع ابلاغ کے مطابق مکہ ریجن میں پولیس اور دیگر قانون نافذ کرنے والے اداروں کی جانب سے بڑے پیمانے پر کریک ڈاون کیا گیا تاکہ کورونا وائرس سے بچاو کے لیے اختیار کی جانے والی احتیاطی تدابیر پرعمل درآمد کو یقینی بنایاجاسکے۔

پولیس ہیڈ کواٹر کی جانب سے شہر کے مختلف علاقوں میں تفتیشی کارروائیوں کے لیے ٹیمیں تشکیل دی گئی ہیں تاکہ ایس او پیز کی خلاف ورزی کرنے والوں کےخلاف کارروائی کی جائے۔

جدہ کے مختلف علاقے جن میں بنی مالک ، بلد، البخاریہ ، یمنی بازار اور دیگر محلے اور مارکیٹیں شامل تھیں میں تفتیشی کارروائیوں کا بیک وقت آغاز کیا گیا۔

یاد رہے کہ وزارت صحت کی سفارش پر سعودی وزارت داخلہ نے کورونا سے بچاؤ کے لیے احتیاطی تدابیر کے حوالے سے ہر شہری کیلئے ماسک کا استعمال لازمی کیا گیا ہے۔

گھروں سے باہر نکلتے وقت طبی یا کپڑے والا ماسک استعمال کرنا لازمی ہے خلاف ورزی کرنےوالے کو ایک ہزارریال جرمانہ کیا جاتا ہے۔

مقررہ ایس او پیز کے مطابق وہ افراد جو کورونا سے بچاؤ کے لیے احتیاطی تدابیر کے حوالے سے اجتماع کرنے پر بھی پابندی ہے ایسا کرنے والوں کو بھی جرمانوں کا سامنا کرنا پڑتا ہے۔

واضح رہے وزارت صحت کی جانب سے لوگوں کو مسلسل احتیاطی تدابیر اختیار کرنے کے بارے میں کہا جارہا ہے کیونکہ کورونا کی ابھی تک کوئی دوائی ایجاد نہیں کی گئی۔

Comments

یہ بھی پڑھیں