سعودی عرب: سعودی ولیٔ عہد شہزادہ محمد بن سلمان جنگ کے زخمیوں سے ملنے اسپتال پہنچ گئے، ولیٔ عہد نے جنوبی سرحد پر جنگ میں زخمی ہونے والے سپاہیوں کے ساتھ سیلفیاں لیں۔
تفصیلات کے مطابق سعودی ولیٔ عہد شہزادہ محمد بن سلمان نے جنگ میں زخمی ہونے والے سپاہیوں کے ساتھ اسپتال میں کچھ وقت گزارا، انھوں نے زخمیوں کے ساتھ تصاویر اور ویڈیو بھی بنوائی۔
ولیٔ عہد نے اس موقع پر کہا کہ ملک و ملت کے دفاع کے لیے بے پناہ قربانیاں دینے والے ہمارے ہیرو ہیں، مجھے قوم کے ان فرزندوں پر فخر ہے۔
شہزادہ محمد بن سلمان نے اسپتال میں زخمیوں کو گلے لگایا، ان کے ساتھ گفتگو کی اور تصاویر کے ساتھ ساتھ سیلفیاں بھی بنائیں۔ انھوں نے جنگ کے زخمیوں کی خدمات کو خراجِ تحسین بھی پیش کیا۔
ولیٔ عہد نے ریاض کے سرکاری اسپتال میں داخل دو مرتبہ زخمی ہونے والے بہادر سپاہی عایض بن سند القحطانی سے ملاقات کرتے ہوئے کہا کہ سعودی سپاہیوں نے وطن کے دفاع کے لیے گراں قدر خدمات انجام دی ہیں۔
#فيديو | سمو #ولي_العهد يطمئن على حالة المصابين من الحد الجنوبي الذين يتلقون العلاج في مدينة الأمير سلطان الطبية العسكرية في الرياض.#واس pic.twitter.com/eNIkZjRCWe
— واس (@spagov) November 5, 2018
اس موقع پر زخمی سپاہیوں نے بھی اپنے عزم کا اظہار کرتے ہوئے کہا کہ وہ وطن کے دفاع کے لیے جان دینے کے لیے تیار ہیں۔
