site
stats
عالمی خبریں

سعودی عرب: عازمین حج کی حفاظت کے لیے مزید اقدامات کا فیصلہ

ریاض: سعودی عرب کی حکومت نے عمرہ اور حج پر آنے والے افراد کی حفاظت کے لیے مزید اقدامات کا فیصلہ کیا ہے، ہجوم کو منظم کرنے کے لیے مزید امور پر توجہ دی جائے گی۔

عرب میڈیا کے مطابق اس حوالے سے سعودی عرب کی وزارت صحت اورام القریٰ یونیورسٹی نے عازمین حج اور معتمرین کی حفاظت کو موثر بنانے کے لیے ایک معاہدے پر دستخط کردئیےجس کے تحت عازمین حج کے حفاظتی اقدامات میں اضافہ کیا جائےگا۔

معاہدے پر وزیر صحت توافق الربیعہ اورام القریٰ یونیورسٹی کے صدر ڈاکٹر بکری بن مغتوب نے دستخط کیے ہیں۔

معاہدے کے تحت حج اور ادائیگی عمرہ کے دوران ہجوم کو منظم رکھنے سے متعلق امور پر مزید توجہ مرکوز رکھی جائے گی اور عازمین حج اور زائرین کی حفاظت کو یقینی بنایا جائے گا۔

سعودی وزیر صحت نے کہا ہے کہ اس معاہدے کے تحت کئی ریسرچ اداروں کی تحقیق سے استفادہ کیا جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top