The news is by your side.

Advertisement

سعودی عرب کی ترقی کیلئے بڑا اقدام

ریاض : سعودی حکومت کے 120 اداروں کے لیے کام کرنے والے عملے نے ڈیجیٹل مواد کے معیار اور سرچ انجن پر ویب سائٹ کی درجہ بندی کو بہتر بنانے کے بارے میں تربیت حاصل کی ہے۔

سعودی خبر رساں ادارے کے مطابق سعودی ڈیجیٹل گورنمنٹ اتھارٹی کی جانب سے مملکت میں ڈیجیٹلائزیشن کو فروغ دینے کے وژن 2030 کی کوششوں کے ایک حصے کے طور پر وزارت اطلاعات کے تعاون سے تین ماہ کے دوران پانچ ورکشاپس کا انعقاد کیا گیا ہے۔

تربیت کا مقصد خاص طور پر ویب سائٹس کے صفحات کے تکنیکی معیار کو بڑھانا، سرچ انجن کی اصلاح کے درست طریقے اپنانا اور سرکاری ویب سائٹس کے وزٹ کی تعداد کو بڑھانا تھا۔

دسمبر 2020 میں ورلڈ اکنامک فورم کی ایک رپورٹ کے مطابق سعودی عرب ڈیجیٹل خواندگی کے لیے عالمی سطح پر سرفہرست10 ممالک میں شامل ہے۔

ڈیجیٹل گورنمنٹ اتھارٹی سعودی عرب کی ڈیجیٹل حکومت سے متعلق تمام امور اور سرکاری اداروں کے ڈیجیٹل انفراسٹرکچر کی ترقی کے لیے ذمہ دار ہے۔

ڈیجیٹل گورنمنٹ اتھارٹی کا مقصد ویب سائٹس اور آن لائن پورٹلز کی کارکردگی کو بہتر بنانا، ویب سائٹس اور ڈیجیٹل مواد کی ترقی اور مارکیٹنگ کو بڑھانا اور ڈیجیٹل حکومت کے کام کو منظم کرنا ہے۔

اتھارٹی سرکاری اداروں کی کارکردگی کی پیمائش، اشارے، ٹولز اور رپورٹس جاری کرنے میں بھی اہم کردار ادا کر رہی ہے۔

Comments

یہ بھی پڑھیں