ریاض: سعودی عرب میں آوارہ کتوں نے 7 سالہ بچی پر حملہ کر کے اسے شدید زخمی کردیا، بچی اپنے اہل خانہ کے ساتھ عید کی خریداری کے لیے نکلی تھی۔
سعودی ویب سائٹ کے مطابق سعودی عرب میں جازان کی عوامی مارکیٹ سے عید کے کپڑے خریدنے کے لیے جانے والی 7 سالہ بچی کو آوارہ کتوں نے حملہ کر کے زخمی کردیا۔
بچی کے والد ابراہیم زیلع کا کہنا ہے کہ ان کی بیٹی عرفات عید کے کپڑے خریدنے کے لیے مارکیٹ گئی تھی، راستے میں کتوں نے حملہ کر کے اس کی دونوں ٹانگوں کو لہولہان کردیا۔
ابراہیم زیلع کے مطابق حملے کے وقت بچی بہت زیادہ گھبرا گئی تھی، گھر والوں نے اسے بڑی مشکل سے کتوں سے بچایا۔
انہوں نے مزید کہا کہ یہاں آوارہ کتے سب کے لیے خطرہ بن چکے ہیں، حکام سے اپیل ہے کہ وہ اس مسئلے کا فوری اور مؤثر حل نکالیں۔
Comments
- Advertisement -
