The news is by your side.

Advertisement

سعودی عرب کا دفاع اور بھی مضبوط ہوگیا، بڑے منصوبے کا اعلان

ریاض : سعودی عرب کی فوجی صنعتوں (سامی) کے سی ای او نے اعلان کیا ہے کہ ہم سعودی ساختہ ڈرون تیار کرنے کے منصوبے پر کام کررہے ہیں۔

سعودی عربین ملٹری انڈسٹریز ( سامی) جنرل اتھارٹی برائے ملٹری انڈسٹری( جی اے ایم آئی ) کے ساتھ سعودی ساختہ ڈرون تیار کرنے کے منصوبے پر کام کر رہی ہے۔

الاقتصادیہ کے مطابق سعودی عربین ملٹری انڈسٹریز ( سامی) کے ایگزیکٹیو چیئرمین ولید ابو خالد نے اتوار ریاض میں عالمی دفاعی نمائش کے موقع پر کہا کہ کمپنی اندرون مملکت ڈرون تیار کرے گی۔

انہوں نے کہا کہ اندرون مملکت تیار کیے جانے والا ڈرون سعودی مسلح افواج استعمال کرے گی۔

انہوں نے کہا کہ2030 تک پچاس فیصد سے زیادہ عسکری بجٹ اندرون مملکت اسلحہ کی تیاری پر صرف کیا جائے گا، سعودی فیکٹریاں مختلف دفاعی سامان تیار کریں گی۔

یاد رہے کہ سعودی اتھارٹی فار ملٹری انڈسٹریز نے سعودی آرمی انڈسٹریز کمپنی کے ساتھ جدید طرز کے ڈرون تیار کرنے کا معاہدہ کیا تھا۔ نئے ڈرون کو’ سکائی گارڈ‘ کا نام دیا گیا۔

سعودی ڈرون انڈسٹری کے لیے جدید ٹیکنالوجی استعمال ہوگی جس کی مدد سے مملکت میں نئی طرز کے ڈرون تیار ہوں گے۔

سعودی حکومت کی نئی پالیسی یہ ہے کہ2030 تک عسکری خدمات اور آلات حرب کے لیے مختص بجٹ کا پچاس فیصد سے زیادہ اندرون ملک خرچ کیا جائے۔

Comments

یہ بھی پڑھیں