The news is by your side.

Advertisement

بدھ کو سعودی عرب میں‌ کیا ہونے جا رہا ہے؟

ریاض: سعودی عرب میں بدھ کو گرد و غبار کا بڑا طوفان متوقع ہے، جس سے وسیع رقبہ متاثر ہوگا۔

سعودی محکمہ موسمیات کا کہنا ہے کہ بدھ کو سعودی عرب میں گرد وغبار کا طوفان آئے گا، جس سے ملک کا وسیع رقبہ متاثر ہو سکتا ہے۔

رپورٹ کے مطابق موسمی نقشوں کے مطالعے سے معلوم ہوا ہے کہ گرد و غبار کا طوفان شدید ہوگا، سعودی ماہرین کا کہنا ہے کہ ملک میں بارش کی شرح کم ہونے پر طوفان خشک ہوگا اور اپنے ساتھ ریت کی بڑی مقدار اٹھا کر آئے گا۔

سعودی محکمہ موسمیات نے ملک کے بعض علاقوں میں گزشتہ روز اتوار کو بھی گرد و غبار کی پیش گوئی کی تھی، ریاض، مشرقی ریجن، عسیر، مکہ مکرمہ اور مدینہ منورہ کے بعض علاقوں میں دھول اڑی۔

موسمیات کا کہنا تھا کہ تبوک ریجن کی متعدد کمشنریوں میں گرد و غبار کی وجہ سے حد نگاہ انتہائی متاثر رہی۔

Comments

یہ بھی پڑھیں