The news is by your side.

Advertisement

کورونا وائرس : سعودی حکومت کا معیشت سے متعلق اہم اعلان

ریاض : سعودی عرب کی حکومت کا کہنا ہے کہ کورونا وائرس کی تباہ کاریوں کے باوجود مملکت کے معاشی حالات بہت بہتر ہیں، حکومت ان مسائل سے نمٹنے کی بخوبی صلاحیت رکھتی ہے۔

سعودی ذرائع ابلاغ کے مطابق کرونا وائرس کی وبا سے متعلق سعودی وزیر خزانہ محمد الجدعان نے کہا ہے کہ دنیا بھر کو کوویڈ19کی جان لیوا وبا کا سامنا ہے جس کی وجہ سے بے پناہ معاشی مسائل پیدا ہو رہے ہیں تاہم سعودی عرب کی معیشت مستحکم ہے ہم اس وبا سے پیدا ہونے والے بحران سے بخوبی نمٹنے کی صلاحیت رکھتے ہیں۔

وزیر خزانہ نے عید الفطر کے موقع پر جاری بیان میں کہا کہ اس موقع پر  ہم ہی نہیں بلکہ ساری دنیا کو اس وبائی مرض کا سامنا ہے، ان حالات میں دنیا بھر کو بے پناہ مشکلات کا سامنا ہے تاہم سعودی حکومت نے اس وبا کا سامنا انتہائی حوصلہ اورتدبر سے کیا ہے۔

انہوں نے کہا کہ سعودی حکومت کے نزدیک اولین ترجیح شہریوں اور غیر ملکی تارکین وطن کی سلامتی ہے جسے مدنظر رکھتے ہوئے لوگوں کی بنیادی ضروریات کو پورا کرنے کےلیے جامع حکمت عملی مرتب کی گئی۔

مزید پڑھیں : عالمی منڈی میں تیل کی قیمتیں گرنے کے بعد سعودی معیشت مستحکم

وزیر خزانہ نے مزید کہا کہ موجودہ حالات کے پیش نظر حکومت نے شہریوں اور مقیم غیر ملکیوں کی صحت کو ترجیح دینے کے ساتھ معاشی مسائل پر بھی بخوبی قابو پانے کے لیے مثالی اقدامات کیے اس سلسلے میں معاشی طور پر متاثر ہونے والوں کی ریلیف پیکج کا اعلان کیا گیا تاکہ انہیں ان مشکل حالات سے نکالا جاسکے۔

fb-share-icon0
Tweet 20

Comments

comments

یہ بھی پڑھیں