The news is by your side.

Advertisement

سعودی عرب: محکمہ تعلیم کے افسران اور اہلکار کرونا کا شکار

ریاض: سعودی عرب کے دارالحکومت ریاض کی ایک کمشنری کے محکمہ تعلیم کے سربراہ اور سیکرٹری سمیت عملے کے متعدد افراد میں وائرس کی تصدیق ہوگئی ہے۔

تفصیلات کے مطابق ریاض میں تعلیمی سال کے پہلے ہفتے میں مذکورہ کمشنری کے محکمہ تعلیم کو وقتی طور پر بند کر دیا گیا ہے۔محکمہ تعلیم کا کہنا ہے کہ سربراہ اور سیکرٹری سمیت عملے کے متعدد افراد میں وائرس کی تصدیق ہونے کے بعد پورے دفتر کو بند کر کے صفائی اور جراثیم کش ادویات کا اسپرے کیا جا رہا ہے۔

محکمہ تعلیم کے مطابق کرونا وائرس کا شکار ہونے والے افسران اور اہلکاروں کی صحت مستحکم ہے تاہم انہیں قرنطینہ کیا گیا ہے۔

دوسری جانب محکمہ صحت نے محکمہ تعلیم میں کام کرنے والے اور اس سے رجوع کرنے والے شہریوں اور مقیم غیر ملکیوں کو ہدایت کی ہے کہ وہ کچھ عرصے کے لیے خود کو گھروں تک محدود کر لیں۔

ذرائع کا کہنا ہے کہ کرونا کی تصدیق سے پہلے اہلکاروں نے معمول کے مطابق اپنی ذمہ داریاں ادا کیں، احتیاطی تدابیر پر عمل کرتے ہوئے لوگوں سے ملے جبکہ ٹیسٹ کا نتیجہ آنے سے پہلے تک متعدد میٹنگز میں بھی شریک رہے۔

Comments

یہ بھی پڑھیں