ریاض : سعودی عرب نے اعلان کیا ہے کہ وہ2030 تک ریاض میں کم از کم 30 فیصد برقی کاروں کی اجازت دے گا، اس اقدام کا مقصد گرین ہاؤس کے اخراج کو کم کرنے کی کوشش کرنا ہے۔
ریاض شہر کے رائل کمیشن کے سربراہ فہد الرشید نے انکشاف کیا ہے کہ ہفتہ کو سعودی ماحولیاتی کانفرنس کے آغاز پراعلان کیا گیا اگلے نو سال کے دوران 8 ملین آبادی والےالریاض شہرمیں کاربن کے اخراج کو نصف کرنے کا منصوبہ ہے۔
اسی دن ولی عہد شہزادہ محمد بن سلمان نے2060 تک سعودی عرب کے اندر گلوبل وارمنگ کے اخراج کو ختم کرنے کا وعدہ کیا۔
ریاض میں برقی گاڑیوں کو فروغ دینے کا ہدف اس وقت سامنے آیا ہے جب مزید ممالک پٹرول اور ڈیزل سے چلنے والے اندرونی انجنوں کو کم کرنے یا ختم کرنے کی کوشش کر رہے ہیں۔
چین نے2025 تک نئی کاروں کی فروخت کا 25 فیصد برقی کرنے کا عزم کیا ہے۔ ریاض میں2030 تک جیواشم ایندھن سے چلنے والی نئی برقی کاریں متعارف کرائی جائیں گی۔
الرشید نے مزید بتایا کہ پبلک انویسٹمنٹ فنڈ کئی سالوں سے الیکٹرک گاڑیوں میں سرمایہ کاری کررہا ہے۔
