تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سعودی عرب: چچا زاد بھائی کے سفاک قاتل کا سر قلم کردیا گیا

ریاض: سعودی عرب میں چار سال قبل اپنے چچا زاد بھائی کو بے دردی سے قتل کرنے والے جنگجو گروپ داعش کے ایک رکن کا سر قلم کردیا گیا۔

عرب میڈیا کے مطابق سعودی عرب کی وزارت داخلہ نے سعودی شہری ماجد سعد بن رضی کا سر قلم کرنے کی اطلاع دیتے ہوئے کہا کہ امن و امان کے لیے ہر ممکن اقدامات اُٹھائے جائیں گے۔

[bs-quote quote=”داعش کے جنگجو کی اس سفاکیت کے واقعے نے سعودی مملکت کے شہریوں کو خوف زدہ کردیا تھا” style=”style-6″ align=”left”][/bs-quote]

استغاثہ کے مطابق داعش کا یہ جنگجو سعودی عرب کے علاقے حائل میں اپنے چچا زاد بھائی کو صحرائی علاقے میں لے گیا تھا، وہاں اس کو بے دردی سے قتل کردیا تھا اور پھر اس کی ویڈیو سوشل میڈیا پر شیئر کردی تھی۔

مجرم کو سعودی عدالت نے دہشت گردی کے جرائم میں قصور وار قرار دے کر سزائے موت سنائی تھی، اس کی جاری کردہ ویڈیو میں مقتول جان بخشی کی دہائی دے رہا تھا اور بار بار اس کو سعد کہہ کر پکار رہا تھا اور اس کو جان سے نہ مارنے کے واسطے دیتا رہا۔

داعش کے جنگجو کی اس  واقعے نے سعودی مملکت کے شہریوں کو خوف زدہ کردیا تھا۔

مجرم نے حال ہی میں دو پولیس اہلکاروں کے قتل کا بھی اعتراف کیا تھا اور صوبہ الشملی میں محکمہ ٹریفک کے ایک سارجنٹ عبدالسعود کو فائرنگ کرکے شہید کردیا تھا۔

Comments

- Advertisement -