سعودی عرب کا کینیڈا کےسفیرکوملک چھوڑنےکا حکم -
The news is by your side.

Advertisement

سعودی عرب کا کینیڈا کےسفیرکوملک چھوڑنےکا حکم

ریاض : سعودی عرب نے کینیڈا کے سفیر کونا پسندیدہ شخصیت قرار دیتے ہوئے 24 گھنٹوں میں ملک چھوڑے کا حکم دے دیا۔

تفصیلات کے مطابق سعودی عرب نے کینیڈا سے سفیر واپس بلالیا جبکہ کینیڈین سفیر کو ناپسندیدہ شخصیت قرار دے کر 24 گھنٹوں میں ملک چھوڑنے کا حکم دے دیا۔

سعودی عرب کی جانب سے کینیڈین سفیر کو ملک بدرکرنے کا فیصلہ کینیڈا کی جانب سے سعودی میں سماجی کارکنوں کی گرفتاری پرتشویش کے اظہارکے بعد کیا۔

اس سے قبل کینیڈا کی وزارت خارجہ اورریاض میں سفارت خانے کی جانب سے سعودی عرب میں گرفتارسماجی کارکنان کی رہائی کے لیے دباؤ ڈالا گیا تھا۔

سعودی عرب کے مطابق معاملے پرکینیڈا کا موقف ملکی معاملات میں واضح مداخلت ہے۔

سعودی وزارت خارجہ کا کہنا ہے کہ اندورنی معاملات میں مداخلت قبول نہیں کی جاسکتی، گرفتاریاں قانون کے مطابق مجازاتھارٹی کی جانب عمل میں لائی گئیں۔

وزارت خارجہ نے سفارتی سطح پراٹھائے گئے اقدامات کی تصدیق کرتے ہوئے کہا ہے کہ کینیڈا سے اپنا سفیرواپس بلالیا گیا ہے۔

سعودی عرب نے کینیڈا سے حالیہ سرمایہ کاری، کاروباری لین دین بھی منجمد کرنے کا اعلان کیا ہے۔

سعودی عرب: انسانی حقوق کی دو سرگرم خواتین کارکن گرفتار

واضح رہے کہ سعودی عرب میں انسانی حقوق باالخصوص خواتین کےلیےآوازاٹھانے والی دو سرگرم خواتین کو گرفتار کیا گیا تھا۔

Comments

comments

یہ بھی پڑھیں