ریاض: سعودی عرب کی جانب سے کراچی کے گل پلازہ میں ہونے والی آتشزدگی پر گہرے دکھ اور افسوس کا اظہار کیا گیا ہے۔
حادثے میں قیمتی جانوں کے ضیاع، متعدد افراد کے زخمی ہونے پر سعودی حکومت کا بیان سامنے آیا ہے، سعودی وزارتِ خارجہ نے سانحہ گل پلازہ پر دکھ، انتہائی افسوس کا اظہار کرتے ہوئے کہا کہ پاکستان ہمارا برادراور دوست اسلامی ملک ہے۔
سعودی عرب کی حکومت اور عوام کی جانب سے پاکستان سے مکمل ہمدردی کا اظہار کیا گیا، سعودی عرب نے واقعے میں زخمیوں کی جلد صحتیابی کےلیے نیک تمنائوں کا اظہار کیا۔
gul plaza تمام خبریں
کراچی میں ایم اے جناح روڈ پر واقع گل پلازہ میں 17 جنوری کی رات دکانوں میں خوفناک آگ لگی تھی جس کے نتیجے میں اب تک جاں بحق ہونے والے 27 افراد کی لاشیں مل چکی ہیں جبکہ 81 کے قریب افراد لاپتہ ہیں۔
محکمہ فائر بریگیڈ کا اعلیٰ حکام کو دی گئی بریفنگ میں کہنا تھا کہ شاپنگ سینٹر کم و بیش پونے دو ایکٹر پر مشتمل بازار ہے، اس میں 1200 سے زائد دکانیں تھیں جن میں بیک وقت آگ بھڑکی ہوئی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں