سعودی عرب میں صرف ایک غلطی کرنے پر آپ فائنل ایگزٹ ویزا سے محروم ہوسکتے ہیں۔
اگر آپ فائنل ایگزٹ ویزا (خروج نہائی) پر سعودی عرب چھوڑنے کا ارادہ رکھتے ہیں تو یاد رکھیں کہ آپ کے نام پر کوئی گاڑی رجسٹرڈ نہیں ہونی چاہیے۔
جب تک آپ کے نام پر گاڑی رجسٹرڈ ہے تب تک آپ کا فائنل ایگزٹ ویزا جاری نہیں کیا جائے گا۔
اپنے نام سے گاڑی ہٹانے کے دو طریقے
اگر آپ گاڑی فروخت کررہے ہیں تو اس کی ملکیت نئے مالک کو منتقل کریں، یہ ابشر یا کسی مجاز کار شو روم کے ذریعے کیا جاسکتا ہے۔
گاڑی کا درست ہونا یعنی دورانیہ گاڑی کا معائنہ اور درست انشورنس ہونا ضروری ہے۔
علاوہ ازیں اگر آپ کی گاڑی پرانی ہے یا اب سڑک پر چلنے کے قابل نہیں ہے تو اسے رجسٹرڈ اسکریپ یارڈ (تشلیح) کے حوالے کریں، اس کے بعد ابشر کے ذریعے گاڑی کی رجسٹریشن مستقل طور پر منسوخ کی جاسکتی ہے۔
اہم اطلاع
گاڑی منتقل کرنے یا اسکریپ کرنے سے پہلے یہ یقینی بنائیں کہ تمام ٹریفک جرمانے ادا کردیے گئے ہیں، اگر کوئی جرمانہ ادا نہیں کیا گیا تو آپ گاڑی منتقل یا اسکریپ نہیں کرسکتے اور آپ کا فائنل ایگزٹ ویزا کا عمل مکمل نہیں ہوسکے گا۔
جب سسٹم میں آپ کے نام سے گاڑی مکمل طور پر ہٹادی جائے گی تو آپ فائنل ایگزٹ ویزا حاصل کرنے کے اہل ہوجائیں گے۔
