The news is by your side.

Advertisement

سعودی حکومت کا غیر ملکی کارکنان کیلئے اہم اعلان

ریاض : سعودی عرب کی حکومت نے نجی اداروں کو غیر ملکی کارکنان کے رہائشی مراکز کی تفصیلات جمع کرانے کی ہداہت کی ہے۔ یہ فیصلہ کرونا وائرس کی روک تھام کے پیش نظر کیا گیا ہے۔

تفصیلات کے مطابق سعودی وزارت افرادی قوت و سماجی بہبود نے تمام نجی اداروں کو ہدایات جاری کی ہیں کہ غیر ملکی کارکنان کے رہائشی مراکز کی تفصیلات دس دن میں جمع کرائی جائیں۔

سعودی حکومت کا یہ اقدام غیرملکی ورکرز کے رہائشی مراکز کو معیاری بنانے کے لیے اٹھایا گیا ہے، سعودی ذرائع ابلاغ کے مطابق مملکت کے نجی اداروں اور کمپنیوں کو حکم دیا گیا ہے کہ وہ پیر 20 اپریل سے دس دن کے اندر اپنے غیرملکی ورکرز کے لیے مخصوص رہائشی مراکز کا اندراج ایجار ویب سائٹ پر کرالیں۔

وزارت افرادی قوت کے مطابق سعودی حکومت سعودی اورغیرملکی ورکرزکی صحت و سلامتی کو یقینی بنانے کے سلسلے میں پرعزم ہے۔

یاد رہے کہ وزارت کی جانب سے نجی اداروں کو کہا گیا ہے کہ وہ غیر ملکی ورکرز کی رہائش کا انتظام بہتر بنائیں- اپنے ورکرز کے لیے رہائشی مراکز میں موجود خامیاں دور کریں اور کورونا کی وبا کو پھیلنے سے روکنے کے لیے ضروری اقدامات کی پابندی کریں۔

Comments

یہ بھی پڑھیں